Ølslalom

Ølslalom er ein av dei to idrettsgreinene som har vore med heilt frå starten, og dette kan kallast ein ekte publikumsfavoritt. Prinsippet er enkelt; her er det om å gjere å kome fortast muleg ned løypa med minst muleg øl i boksen ved målpassering. Slalomkonkurransen er oppdelt i to omgangar, og deltakarane har sjølv ansvar for å stille med full ølboks for kvar omgang. Søling har vore eit brennheitt tema kvart år, og det er altså opp til dommarane å bedømme om sølinga fører til tillegg i tida for kvar enkelt deltakar.